يا أهل بلادنا الحـــــرا إعطونـــي            محبه طاهرة و طهــــر و ليوني

حـــــــتى الحـــر يعرف إعتبـــارو           صَوتو يضيّعو ومــا يضيعونـــي

بدنا الجــاهل يــــــراجـــع فكـــارو           و يعرف موقعــو و يخبرونـــــي

ما بدنـا  يفكــــرو بعقـــول طـــارو           و ما بدي عا الصليب يسمّرونــي

بدي كل شخص يعــــرف مســـارو          و متل مــــا مفكر بحقق ظنونـــي

كريــم الخـــلـق  بيفـــتـــح ديــــارو          و ما بيعمل الجوزي زيزافونـــي

بيمشـــــي مــــا بيوقع عـــن شوارو         لولا إنصاب بيعـــارض جنونـــي

و ما  بيفرّق كبارو عـــن زغــــارو         و حياتو تصير للواقـــع رهونـــي

الجـــاهل قصّر و بـــانـــــت سرارو         و صارو بالجهالـــــي يعيّرونـــي

و قصر العــــاب متـــوقــع دمـــارو         حجارو تطير من صيدا عا جوني

إنكــــان الكسر مش خــــاتم جبـــارو        مـــا يجرح حدا و لا يجرحونـــي

يلــــي عم بيحكـــي بحــــق جـــــارو        أنــا بعرف مـــا بدي يسَمْعونـــي

الي طلعو عا السما عالأرض  صارو       ما بدي هالحكي عاطـــول إسمــع

                          و لا برضْى بالسخافي يعيروني

الشاعر إدمون متري