“Ikaw ba ay isang tamad?
OO, ikaw nga Juan de Felipe.”
“Katotohan,” kaniyang sambit.
“Isang Kastilang pag-uugali.”
 
“Ang pagbabansag na ito,
wari’y may katotohanan.
Ang mainit na klima ng Pilipinas,
at sapilitang paggawa’y ilan lamang.”
 
“Ang mga kasakiman at pagmamalabis
ng mga encomendero at gobernador,
ang pagkamalabis na pagsusugal, at
masamang sistema ng edukasyon.”
 
“Nguni’t ano pang mas makatotohanan
ay di-pagkakaroon ng nasyonalismo.
Ipinagkakait ang karapatan
at pagbubuklod ng mga Pilipino.”
 
“Marahil nga aking maestro,”
Sambit ni Juan de Felipe.
“Nguni’t may mas hihigit pa ba
kung mga pilipino’y aasa ng aasa.”
 
“Hindi ba katotohanan?
Mga pilipino’y palaasa lamang.
Lalo na mga kabataan,
Walang awa sa kanilang magulang.”
 
“Sino nga ba ang dapat sisihin?
Sino ba ang nagpabaya?
Nuno nati’y naging mahina
Ang mga anak ay pinabayaan.”

lazy