Mas Nais kong mapunta sa impyerno

at makasama ang mga demonyo

kung  ako’y magpapakahipokrito

habang nabubuhay sa mundo

Mas madali pa ang biglang mawala

ng parang isang bula

Kesa magsinungaling sa mga pagkakasala 

at magkasala pa kay poong bathala

Baka sa dagat ng apoy matuto pa kong magpakumbaba

sa kagalingan dakilang lumikha

Imbis na maging buwaya

At masunog ang kaluluwa

mas madali sa impyerno

dahil dun kilala mo na ang trapo

mas mabuti pa sa lugar na pagbabayaran ko ang mga pagkakamali ko

kesa magpanggap na santo

ito ang mas marawal

kesa sa isang hustisyang bukalkal

Na ang mahihirap ay di pwedeng umangal

sa korteng nilabag ang utos ng maykapal

Kung Hihingin ko ba sa Ama

na akoy ihulog sa apoy na lawa

para pagbayaran ang mga salang kanilang ginawa

papayag kaya siya para maligtas ang iba

Di nakailangang magpapako

 kung si kristo ngay inako 

pano pa kaya akong isang ordinaryong tao

gagawin ko itong pangako

tila ba isang entablado

ang daigdig natin ng mga pulitiko’t gago

nagmistulang hari ng mundo

lahat sila’y makakasama ko

habang nilalangaw at sumisigaw

at ang mga latigong humataw

at mga serpyente akoy tinutuklaw

ito ang hihilingin ko sa araw aking pagpanaw