Papaji

Unki goad mein

Bachpan se  hum hanste hein

Muska kar dekho humko

Phool se hum  lagte hain

Dhadkanon mein har kisi ki

Sangeet se hum bajte hain

Jo hamse batiyate hain

Wo pyar ke rang se rangte hain

Papa ka hum saari duniyan ko uphaar hain

Hum baadal hain,mausam hain,ghata hain, bahaar hain

Taron si batein unki asman mein kai hazaar hain

Sooraj -chand  si roshaniyan unki hi pukar hain

Jab wo chalte hain ,jag chalta hai

Dishaon ki bahon mein nirmal pyar palta hai

Maan ke khane ki mahak unki himmat mein aati hai

Hum saare saath hote hain to zindagi unko sunati hai

Nadiya ankhon mein pyar ki lahrati hai

Parwat ki unchai bhi unhi ke geet gaati hai

Samundar bhi unke pyar sang hi gahra hai

Jab bhi kuch hum hasil karte hain to muskata papa ka chehara hai