kuya bili ka ng puto?

(hindi…wala ko pambili e.)

e, bukas po bibili ka ba?

(bigla ko napaisip na natatawa sa sinabi ng bata)

medyo kakaiba na nakakagulat

parang may kurot na sa mata ay muling nagpamulat

pinilit ko sumagot sa paraang hindi magdaramdam

ang kawawang paslit sa edad na siyam

biglang nangako sa sarili at sa bibig ko ay namutawi

“sige, bumalik ka bukas”

kahit alam sa isip na walang pera pambili kapag dumating ang bukas….

kinabukasan muling bumalik

dala ang puto na ilalako

muling naalala ang pangako

nagawan ng paraan para makabili kahit dalawang plastik

nakakatuwa na nasabik

sa kwento ng batang tumigil sa eskwela

kapareha ng kanyang kuya

sabi nya wala daw pera

hindi kaya para sa kanilang lima

sa susunod na bukas na lng daw ng eskwela….

magkano ba matrikula?

hindi naman ganon kamahal kumpara sa aking eskwela nung nagaaral pa

mas mahal pa pantalon na ipinamigay sa iba

hindi bale may bukas pa

kaya pala humanga

sa sinabi ng bata

sagana sa pag-asa ang bawat kataga

walang bahid ng pagsuko

kahit na akoy tumanggi sa kanyang unang alok

muling sumubok

at aking naarok

ang katagang……

“bukas po bibili ka?”