Tunay ngang pag-ibig mo sa aki’y walang hangganan

Na kahit pa ako’y masama ay di mo maiwan-iwan

Di ko maisip kung ba’t sa akin napamahal

Kahit ako’y may ugaling masama at isa pang hangal.

Makailang ulit kitang sinaktan

Dahil sa kung anung maliit na kadahilanan

Ni hindi ko naisip na ikaw ay nagdurusa

Sa walang katuturang galit ng pag-aakusa.

Ngunit sa kabila ng aking kapintasan

Nanatili kang tapat sa iyong sinumpaan

Na kahit anu pa man ang sa ati’y mangyayati

Ikaw ay nandyan lang mananatili sa aking tabi.

Ako’y mapalad dahil minamahal mo ako

Bibihira lamang ang taong tulad mo

Sana’y pagmamahalan nati’y walang wakas

At magkakasama tayo hanggang may bukas.